Левандовски има ситна повреда, неизвесен за стартот на сезоната

Роберт Левандовски ќе го пропушти почетокот на сезоната во Ла Лига, пишува „АС“.

36-годишниот напаѓач на Барселона има повреда на тетивата на левата нога. Според лекарите, тој може да се врати на теренот најрано кон средината на септември, што значи дека ќе ги пропушти првите три натпревари на Каталонците на стартот на новата сезона.

Полјакот ќе го гледа и утрешниот натпревар со Комо за трофејот Жоан Гампер од трибините. Барселона ќе го искористи натпреварот за да го претстави својот состав за новата сезона.

Минатата сезона, Левандовски одигра 34 натпревари во Ла Лига, постигна 27 гола и имаше 2 асистенции.