Лоша вест за Атлетико Мадрид, Трипиер заработи повреда на рамото

Бекот на Атлетико Мадрид, Киран Трипиер подолг период ќе биде надвор од терените поради повреда на рамото, објавија од таборот на шпанскиот шампион преку официјалниот веб-сајт.

Тој се повреди на натпреварот со екипата на Валенсија кој заврши 3:3 и беше заменет во 8-та минута од средбата.

Англичанецот Трипиер ќе мора да оди на физикална терапија и дури потоа ќе се врати на тренинзите. Од мадридскиот клуб не наведуваат точни рокови за негово враќање на официјални натпревари.