Половина Серија А го сака Федерико Киеза

Напаѓачот на Ливерпул, Федерико Киеза, сака да се врати во италијанското првенство ова лето, каде што го следат четири клуба, објавија медиумите од Италија.

Според изворот, за 27-годишниот фудбалер има интерес од Милан, Аталанта, Болоња и Наполи. Се нагласува дека од Ливерпул нема да се мешаат во трансферот на Киеза доколку тој се договори со друг клуб.

Минатата сезона, Киеза одигра само 14 натпревари во сите натпреварувања, постигнувајќи два гола и две асистенции. Тековниот договор на играчот со клубот е со важност до летото 2028 година. Според информациите пазарната вредност на играчот е 14 милиони евра.