Серија А се откажа од портокаловата топка

Претседателот на Серија А, Ецио Симонели, објави дека лигата ќе се откаже од користење на портокаловата зимска топка.

„Добивме бројни легитимни поплаки за ова: луѓето со далтонизам едноставно не можат да ја видат. Го замоливме нашиот добавувач да ја забрза испораката на нови топки. За секој натпревар се потребни 25 топки – тоа се 500 топки неделно, не сметајќи ги оние што им ги даваме на тимовите за тренинг. Тие лансираа нови топки во многу видлива боја, но ќе треба малку време пред целосно да ја заменат портокаловата опција – се покажа како лоша одлука. Ќе се вратиме на жолта или бела боја“, рече Симонели во својата изјава.