Паула Бадоса нема да настапи на УС Опен

Шпанската тенисерка Паула Бадоса го откажа настапот на последниот Грен слем турнир во годината УС Опен поради повреда. Организаторите соопштија дека Бадоса откажува поради болки во долниот дел на ’рбетниот столб.

Шпанската тенисерка која играше полуфинале на Австралија Опен годинава, нема настап од првото коло на Вимблдон кога беше елиминирана.

Таа слични проблеми имаше и пред две години кога мораше да го пропушти Грен слем турнирот во Њујорк.

УС Опен ќе се игра на терените на Флешинг Медоу од 25.август до 7.септември. /МИА