Барселона сака да му понуди нов договор на голманот Марк-Андре Тер Штеген, со кој Германецот би останал на „Ноу Камп“ до крајот на кариерата, пренесуваат каталонските медиуми.

Клубот сега е во финансиски проблеми, па раководството бара начини да ги намали трошоците на секаков начин. Имено, Барса му нуди подолг договор, но со помала плата.

Германецот има договор до 2025 година, но Барселона сака да го задржи подолго и ќе му понуди договор до 2028 година.

Доколку се согласи на условите тоа веројатно ќе значи дека 31-годишниот Германец ќе остане на „Камп Ноу“ до крајот на кариерата.

Наполи е во потрага по нов спортски директор откако Џунтоли го напушти клубот и се пресели во Јувентус.

Италијанските медиуми пренесуваат дека изборот паднал на Рики Масара, кој до пред два месеци беше спортски директор на Милан. Масара му беше десна рака на Малдини и важи како еден од најзаслужните за успесите на Милан изминатите години. Тој е слободен и имал средба со претседателот Де Лаурентис на која постигнале начелен договор.

Се очекува следните денови Масара и официјално да биде промовиран во нов спортски директор на Наполи.

Ливерпул и Њукасл нема да можат да го купат крилниот напаѓач на Јувентус, Федерико Киеза се додека не продадат дел од постоечкиот играчки кадар. Јувентус и официјално потврди дека се подготвени да ги разгледаат понудите за Киеза, но само ако се повисоки од 50 милиони евра.

Ливерпул и Њукасл се подготвени да направат обид да го купат Киеза, доколку продадат дел од своите фудбалери. Ливерпул е подготвен да понуди 40 милиони евра за Киеза, но тоа нема да биде доволно.

Некогашниот фудбалер на Интер, Челзи и Јувентус од денес е нов тренер на Нефчи.

Романецот со клубот од Азербејџан потпиша договор на две години, а во него постои опција за продолжување на уште една. Муту изрази задоволство затоа што како што веле доаѓа во најголемиот клуб во земјата.

„Нефчи е најголемиот клуб во Азербејџан и имаат најмногу навивачи. Мојата цел ќе биде да го вратам тимот на местото на кое заслужува да биде, во врвот на азербејџанскиот фудбал“, изјави Муту.

Трабзонспор на официјалниот сајт објави предвремен раскин на договорот со дефанзивецот Марк Бартра. Договорот на фудбалерот беше до 2025 година, но истиот вчера е раскинат со меѓусебен договор на страните.

32-годишниот Шпанец, кој е дете мна Барселона, стана слободен играч.

Бартра за турскиот клуб одигра 40 натпревари во сите натпреварувања.

Работнички се засили со македонскиот репрезентативец Томче Гроздановски, а нов едногодишен договор потпиша и капитенот Крсте Велкоски.

Велкоски кој с еврати минатата сезона во Работнички и официјално парафираше договор со Работнички до јуни 2024 година.

„Најубаво е дома. Со Работнички се разбираме со поглед и драго ми е што во пресрет на новата сезона хоризонтот пред нас е сѐ поширок. Верувам дека заедно со момците можеме многу во новиот шампионат, а Работнички секако во себе има шампионски гени“, изјави капитенот Крсте Велкоски.

Тренерот на РБ Лајпциг, Марко Розe, кој има договор до летото во 2024 година набрзо може да потпише нова соработка со германскиот состав. Според весникот – „Билд“, двете страни се договориле за нов термин до 2026 година и зголемена плата на 4,5 милиони евра по сезона.

„Сите знаат дека навистина ми се допаѓа тука. Во моментов, сепак, има позначајни работи – да изградиме тим со кој можеме да ги постигнеме нашите цели“, изјави тренерот на Лајпциг.

Неговиот тим во претходната сезона го освои третото место во Бундеслигата и успеа да го подигне пехарот во Купот на Германија.

Бернардо Силва веќе има голем предизвик пред себе, има фантастична понуда пред себе и наскоро мора да одлучи дали ќе направи трансфер.

Имено, Ал Хилал од Саудиска Арабија, на фудбалерот на Манчестер Сити му нуди 150 милиони евра и договор на три сезони, односно на плата од 50 милиони по сезона.

Што се однесува до Сити, на име на обештетување за клубот од Манчестер, клубот од Саудиска Арабија, биле подготвени да исплатат 70 милиони евра.

Силва е под договор на уште две сезони со „граѓаните“, а интерес за овој фудбалер има и од европските екипи, но под далеку поскромни понуди.

Од доаѓањето во Манчестер Сити, Бернардо Силва за Сити одигра 306 натпревари, постигна 55 голови и 59 пати асистираше кон соиграите. Со клубот од Етихад пет пати беше шампион во Премиерлигата и освои се што друго може да се освои.

Тренерот на Барселона, Чави Хернандез, размислува капитенската лента да му ја понуди на Усман Дембеле од идната сезона.

Веста за намерата на Чави ја пренесе дневниот весник СПОРТ, кој тврди дека со ваков потег, Ернандез сака да го убеди Дембеле да не размислува за никаков евентуален трансфер надвор од клубот.

Дембеле во Барселона пристигна летото 2017 година од Борусија Дортмунд. Францускиот фудбалер има договор со Барса до следната година, но досега има одбиено бројни понуди.

Тој може да ја напушти Барселона ако било која екипа ја плати неговата откупна клаузула која сега изнесува само 50 милиони евра, но по се изгледа, Дембеле размислува за долготрајна соработка со Барселона.

Шпанските медиуми тврдат дека Дембеле со доаѓањето на Чави на клупата на Барселона, го доби потребното внимание и допрва ќе ја има потребната минутажа.

Напаѓачот на Атлетико Мадрид, Жоао Феликс може да се врати во португалскиот шампионат, објави весникот Рекорд.

Според изворот, Бенфика е заинтересирана за 23-годишниот играч. Клубот сака да го позајми Португалецот на една сезона.

Феликс играше во Бенфика пред да се пресели во Атлетико, каде беше продаден за рекордни 127 милиони евра. Во втората половина од сезоната 2022/23, напаѓачот играше за Челзи, но сега се врати во Мадрид каде е под договор со Атлетико, но мала е веројатноста да остане на „Ванда Метрополитано“.