Maнчестер Сити сака да го освежи тимот откако освои тројна круна, а Јошко Гвардиол е голема желба на Пеп Гвардиола за последната линија од тимот.

Според информациите на фудбалскиот портал „Goal“ кој се повиквуа на информацијата на новинарот Флоријан Плетенберг од „Скај Спорт“, Гвардиол нема ништо против трансфер во европскиот шампион.

Наводно, германскиот бундеслигаш се согласил да го пушти хрватскиот дефанзивец ако пристигне понуда од 100 милиони евра. Од друга страна во Сити сакаат да ја завршат работата за 15-тина милиони помалку.

Гвардиол во Лајпциг пристигна во 2021 година како 21-годишник и за германскиот клуб одигра 87 натпревари во кои постигна пет гола и запиша три асистенции. Успеа со Лајпциг двапати да го освои германскиот куп, а освен со Манчестер Сити се поврзуваше и со Реал Мадрид, Ливерпул и Челзи. Неговиот договор со Лајпциг има важност до летото 2027 година.

Астон Вила објави дека нивни нов спортски директор е поранешниот оперативец на Севиља и Рома, Мончи.

Познатиот Шпанец доаѓа на местото на Кристијан Персолу кој објави пензионирање во понеделеникот. Мончи е воодушевен што повторно добива прилика да соработува со Унаи Емери откако претходно беа одлични во Севиља.

„Со нетрпение чекам повторно да работам со Емери, тој е еден од најдобрите тренери во светот“, изјави Мончи.

Мончи и тоа како помогна во освојувањето на седумте трофеи на Севиља во периодот од 2000 до 2023 година, во три од тие седум трофеи на Севиља соработуваше со Емери. Работеше и во Рома Мончи од 2017 до 2019 година, а тогаш „волчицата“ играше во полуфиналето од Лигата на шампионите.

Челзи потроши многу во изминатите два преодни рока, но и покрај тоа на тимот му е потреба реконструкција предводена од Маурицио Покетино кој се враќа во англискиот фудбал.

Кристофер Нкунку беше договорен уште во зимскиот преоден рок и наскоро се очекува официјализација на ово јтрансфер, од Лион треба да пристигна Мало Густо за 30 милиони евра, а денес пристигна и нова информација. Според последните информации, Челзи ја активирал клазулата и ќе го доведе Никола Џексон од Виљареал за 35 милиони евра.

Станува збор за Сенегалец кој на 20-ти јуни ќе наполни 22 години и игра на позицијата напаѓач. Сезонава играше одличен фудбал, постигна 13 голови и подели пет асистенции. Челзи беше најконкретен, а шпанскиот тим е спремен да прифати и исплата во три рати.

Челзи се поврзуваше и со фудбалери како Лаутаро Мартинез и Виктор Осимен, меѓутоа тие трансфери во овој момент не изгледаат така реално.

Федерико Валверде, кој имаше одлични партии во дресот на Реал Мадрид вели дека сака да остане на стадионот – „Сантијаго Бернабе“ и повтoрно да освојува нови трофеи за „кралевите“.

Неговата изјава доаѓа по шпекулациите дека луѓето од Челзи сакаат да испратат понуда за неговиот потпис.

„Јас сум во Мадрид и се обидувам да оставам траг во најдобриот клуб во светот. Сакам да продолжам да освојувам трофеи“, потенцираше играчот на „белите“.

Килијан Мбапе го искористи натпреварот против Гибралтар за повторно да испише историја. Имено, тој го искористи квалификацискиот натпревар за ЕП за израмнување на рекорд стар 65 години, а тоа го направи постигнувајќи гол.

Франција победи со 3-0 против Гибралтар, а еден од головите беше дело на Мбапе, кој го израмни овој рекорд.

Тоа е бројот на голови на француски фудбалер во истата сезона, а ова беше негов 39-ти гол за националниот тим.

Во однос на вкупните голови, ова беше 53-ти гол за Мбапе во сезоната, израмнувајќи го рекордот на Џаст Фонтен од 1958 година. Тој тогаш на Мундијалот постигна 13 гола, што се уште е рекорд за еден фудбалер.

Одигра шест натпревари, постигна 13 гола, а Франција ја освои бронзата.

Најдобар стрелец на последното Светско првенство беше Мбапе, а во Катар постигна осум гола, а оваа сезона за националниот тим постигна 12 гола.

Покрај тоа, тој беше најдобар стрелец во францускиот шампионат со 29 постигнати голови, а во Лигата на шампионите постигна седум гола. Кога станува збор за Купот на Франција, Мбапе додаде пет гола во тоа натпреварување.

Ако во понеделник постигне гол против Грција, Мбапе ќе го собори рекордот поставен од Фонтен.

Луис Фелипе Сколари по една година пауза ќе се врати во тренерските води. Легендарниот бразилски стратег последниот ангажман го имаше кај Атлетико Параненсе во финалето од Копа Либертадорес.

Тој тогаш порача дека се повлекува од фудбалот но, сега се предомисли и потпиш договор за една сезона со екипата на Атлетико Минеиро.

Бразилецот има работено со Гремио, Крузеиро, Гоиас, Челзи, Палмеирас и Коритиба. Тој во еден период беше селектор на Кувајт и на Бразил.

Француските медиуми објавија дека фудбалскиот тренер, Јулијан Нагелсман, дефинитивно нема да го презеде кормилото на ПСЖ откако пропаднале сите преговори.

Младиот стратег кој последен пат седеше на кормилото на Баерн Минхен не ги прифатил условите за да замине на „Паркот на принцовите“.

Тоа значи дека „светците“ и натаму не можат да најдат нов тренер откако претходно пропаднаа шансите да ги ангажираат Зинедин Зидан и Луис Енрике.

Милан и Интер се силно заинтересирани за младиот напаѓач на Арсенал, Фоларин Балогун.

21-годишниот младински репрезентативец на Англија минатата сезона играше на позајмица со Ремс и блесна во Лига 1.

Талентираниот фудбалер постигна 21 гол на 37 натпревари во Лига 1, а Арсенал е спремен да го продаде ова лето.

Балогун има договор со Арсенал до 2025 година, а најсилен интерес за него покажуваат миланските гиганти.

Спортскиот директор на Интер, Аусилио веќе спремил понуда од 25 милиони евра, но Арсенал за неговата слобода бара 40 милиони евра.

Освоената тројна круна во сезоната која штотуку заврши беше украс за актуелната генерација на Манчестер Сити, а според најавите од Островот, победникот на Лигата на шампионите и Премиер лигата го чека чистка во чии рамки конкуренцијата на позицијата десен бек значително ќе се промени.

Како што дознава Атлетик, покрај Жоао Кансело, летово Сити ќе го напушти и Кајл Вокер, 33-годишниот дефанзивец кој изрази незадоволство од улогата што ја имаше во претходниот период. Англискиот дефанзивец незадоволен од минутажата во сезоната 2022/23 изразил желба за промена на средината, а според истиот извор се водат преговори околу трансферот на Вокер во Баерн Минхен. Иако клубовите допрва треба да разговараат за обештетувањето, се претпоставува дека нема да има пречки во реализацијата на оваа работа.

Во текот на пролетта, Вокер успеа да ја врати довербата на Пеп Гвардиола и да заработи стартно место на 11 од последните 13 натпревари, но еден од натпреварите што започна на клупата беше финалето на Лигата на шампионите против Интер. Тоа што паѓа во втор план со актуелниот шеф на стручниот штаб беше причина десниот бек да ја иницира приказната за разделба една година пред истекот на договорот, а за очекување е епилогот на оваа тема да биде познати во наредните денови.

Вокер, кој е стандарден англиски репрезентативец, кариерата би можел да ја продолжи во Баерн, а како еден од приоритетите, островските медиуми ја наведуваат амбицијата на дефанзивецот да го задржи континуитетот и да остане во конкуренција за репрезентативниот дрес на Европското Првенство во 2026 година. Воедно, евентуалното доаѓање на Вокер во Минхен би претставувало и решение за позицијата покрај десната надворешна линија по најавата на Бенџамин Павар дека не планира да го продолжи договорот и дека неговата намера е да го промени средниот ред ова лето.

Поранешниот италијански репрезентативец Енцо Мареска и официјално е потврден за нов тренер на Лестер, новопечениот англиски второлигаш. Поранешниот тренер Дин Смит не успеа да го спаси шампионот на Англија во 2016 година од испаѓање и тоа го плати со отказ.

Ова е втора независна работа за Марсека на сениорско ниво, до која доаѓа откако беше дел од стручниот штаб на Пеп Гвардиола во Манчестер Сити претходната сезона, каде што придонесе за освојување на тројната круна. Претходно раководеше со У-23 тимот на Сити, од кој замина во Парма, но таа епизода беше неуспешна, па набрзо повторно стана соработник на Гвардиола.

Како играч беше вистински номад и играше за Вест Бром, Болоња, Јувентус, Пјаченца, Фиорентина, Севиља, Олимпијакос, Малага, Сампдорија, Палермо и Верона. Тој ја освои шампионската титула со Јувентус во 2001 година и два последователни Купа на УЕФА со Севиља во 2005 и 2006 година.

Гвардиола, кој освои пет првенствени титули во последните шест сезони и го направи Сити незапирлива сила, почна се повеќе да влијае на потезите на другите клубови, кои се повеќе ги избираат неговите ученици за нови тренери.