Франческо Калво кој е дел од раководните структури во Јувентус, потврди дека фудбалерот Душан Влаховиќ, нема да биде ставен на траснфер листата иако деновиве медиумите го тврдат спротивното.

„Гласините секако не можеме да ги контролираме. Немаме намера да го продаваме Влаховиќ“, вели Калво.

Српскиот интернационалец влегува во радарот на неколку екипи од Англија. Во преден план се Арсенал и Манчестер Јунајтед.

Марко Верати размислува да го напушти францускиот шампион ПСЖ на крајот на сезоната, пренесуваат италијанските медиуми.

Верати е незадоволен од ситуацијата во клубот и смета дека сега е вистински момент за трансфер. Таквата ситуација сака да ја искористи Манчестер Сити, бидејќи Гвардиола е голем симпатизер на играта на Верати.

Гвардиола смета дека Италијанецот ќе биде идеална замена за Гундоган и дека одлично ќе се вклопи во неговиот стил на игра.

„Граѓаните“ се спремни да му ја исполнат желбата и нема да жалат пари за да го доведат Верати на „Етихад“.

Милан ја победи конкуренцијата за јапонскиот репрезетативец и ѕвезда на Ајнтрахт, Даичи Камада, пренесува „Билд“.

Камада игра фантастична сезона и до овој момент има 16 гола и 6 асистенции, а на лето ќе биде слободен агент и без обештетување ќе го напушти клубот. За Камада интерес покажуваа уште Борусија Дортмунд и Наполи, но Милан ја победи конкуренцијата.

„Калчомеркато“ пренесува дека „росонерите“ постигнале договор со Јапонецот, кој во наредните денови ќе пристигне во Милано на лекарски прегледи.

Камада ќе потпише четиригодишен договор со Милан и ќе заработува три милиони евра по сезона.

Напаѓачот на Рома, Пауло Дибала, тешко се опоравува од повредата. Тоа се лоши вести пред  финалето во Лигата на Европа против Севилја.

Аргентинецот нема да игра на мечот со Фиорентина во текот на викендот во Серија „А“, тврдат медиумите во Италија.

Според нив, искусниот напаѓач веројатно нема да игра и на 31 мај во финалето на Лига Европа против шпанскиот тим кој патем кажано е „специјалист“ за трофеи во таа конкуренција.

Жул Кунде не е задоволен што постојано го форсираат на позицијата лев бек и затоа најавил дека ќе си замине од редовите на Барселона.

Дефанзивецот иако е класичен стопер, Чави најчесто го става по страничните позиции. Затоа Кунде се заканил дека ќе побара преселба во друг состав.

Медиумите наведуваат дека тренерот на Каталонците не сака да го загуби и му ветил на Кунде дека ќе игра во срцето на одбраната и дека ќе му ја исполни желбата.

Џејмс Милнер откри дека менаџерот на Ливерпул, Јирген Клоп, сакал да го има и понатаму во клубот но, челниците на „црвените“ не се согласиле со неговото мислење.

„Клоп е добар менаџер, рече дека можам да останам и тоа ме направи среќен. Сепак, клубот донесе друга одлука“ – вели 37 годишниот играч.

Милнер кој во осум сезони на стадионот – „Енфилд“ освои три титули, во текот на летото ќе го облече дресот на Брајтон.

Напаѓачот на Арсенал, Букајо Сака го продолжи договорот со клубот. Ова го објави официјалниот сајт на Арсенал.

Терминот на договорот не беше соопштен, но јасно е дека договорот е долгорочен.

„Навистина сум среќен. Се зборуваше многу и помина многу време, но сега сум тука. Мислам дека ова е вистинскиот клуб, вистинското место за да се направи следниот чекор. Тоа е голем клуб – погледнете каде сме. За мене се работи за остварување на мојата лична амбиција, се трудам и давам се од себе на секој натпревар. Опкружен сум со сите вистински луѓе во однос на семејството, а кога доаѓам на тренинзите, моите соиграчи, стручниот штаб се чувствувам како да сум од секогаш овде. Мислам дека имам се што ми е потребно за да бидам најдобриот играч што можам да бидам и затоа сум среќен што останувам овде и ќе бидам тука во иднина бидејќи навистина верувам дека можеме да направиме големи работи“, рече Сака.  

21-годишниот напаѓач, кој се појави на сите натпревари во Премиер лигата во изминатите две сезони, постигна 14 гола во сите натпреварувања во сезоната 2022/2023 и исто така даде 11 асистенции. Досега Букајо Сака има 178 настапи за Арсенал.

Јувентус на лето готово сигурно ќе остане без Адриен Рабио, па веќе почна да му бара замена.

Рабио влезе во последната година на договорот и на лето ќе биде слободен агент, а нема најави за негово продолжување. Најголема желба на „бјанконерите“ е Фабиан Руиз, кој не се снајде баш најдобро во ПСЖ и е спремен да ја промени средината.

Шпанецот блескаше неколку сезони во Наполи, па минатото лето за 24 милиони се пресели во ПСЖ.  Меѓутоа, Руиз не се снајде баш најдобро во Париз и во системот на игра на Галтие, па сака да ја промени средината.

Јувентус сака да ја искористи таквата ситуација и да го доведе во Милано на позајмица со право на откуп.

Манчестер Јунајтед не се откажува од Фернки де Јонг и повторно ќе се обиде да го доведе на „Олд Трафорд“ ова лето.

Барселона минатото лето се договори со Манчестер Јунајтед за трансфер вреден 85 милиони евра за 25-годишниот фудблер од средниот ред, но тој одби да разговара за трансфер.

За Барселона најголем проблем е високата плата, а поради финансиските проблеми на лето повторно ќе мора да продава играчи.

Манчестер Јунајтед е во потрага по квалитетен играч за врска и најголема желба на Те Хаг е токму Де Јонг.

Сега раборите се променија, Манчестер Јунајтед ќе игра во ЛШ и сака да ја нападне титулата, па Холанѓанецот е отворен за преселба на „Олд Трафорд“.

Лотар Матеус, во своето последно интервју за германските медиуми, објасни зошто морале да го обезбедат Томас Тухел и да го сменат Јулиан Нагелсман.

Искусниот стратег дојде на местото на Нагелсман, кој немаше добра сезона, па поради опасност дека Тухел ќе биде договорен од тим од Серија А, Баерн Минхен морале да направат радикален потег и на средина од сезоната да го ангажираат Томас Тухел.

„Отказот на Нагелсман не беше изненадување само за нас, туку и за сите околу нас. Нагелсман направи добри работи во Бунделсигата, можеби не беше добар во ЛШ, но годинава ги победи ПСЖ, Интер, Барселона два пати, не беше совршено, но не беше далеку од трофеј. Мислев дека во клубот се шегуваат, но сепак, тоа не беше први април“.

„Тухел имаше пред-договор со Јувентус, а Баерн Минхен беше нервозен поради тоа сознание. Тухел беше слободен и скоро договорен со Јувентус, а не му веруваа 100% на Нагелсман. Но кога сфатија дека мора брзо да реагираат за Јуве да не го обезбеди Тухел, му врачија отказ на Нагелсман“, открива Лотар Матеус.