Половина Барса на пат за Саудиска Арабија
![](https://blog.evrotip.mk/blog2/wp-content/uploads/2024/06/barsa-ezgif.com-webp-to-jpg-converter-1024x577.jpg)
Како што пренесува утринава „Мундо депортиво“, Барселона летово може да продаде неколку фудбалери во Саудиска Арабија.
Дури шестмина фудбалери на оваа екипа се мета на клубовите од Арапскиот Полуостров, а прв кој би можел да замине е Жил Кунде, фудбалер кој пристигна по барање на поранешниот спортски директор на клубот. Рамон Планес. Тој сега е дел од Ал-Итихад и го сака Кунде во својот тим.
Покрај него, интерес има и за Роберт Левандовски, Тер Штеген и Рафиња, но реално е дека сите тројца и следната сезона ќе останат во редовите на Барселона и покрај големиот интерес од клубови од Саудиска Арабија.
За Клемен Ленгле исто така има интерес од Саудиска Арабија, но неговата желба е да остане во Европа. Последниот во низата и официјално е член на Барселона, но само околу 20 дена Жоао Феликс, кој се враќа од позајмица во Атлетико Мадрид и кој има сериозни понуди од Саудиска Арабија, пишува споменатиот весник.