ФУДБАЛ

Мбапе, Халанд и Кејн веќе во трка по Златната Топка

Новата фудбалска сезона штотуку започна, а трката за Златната Топка во 2026 веќе се загрева со полна пареа. Тројца напаѓачи блескаат над сите останати, носејќи импресивни бројки и возбудувајќи навивачи и аналитичари ширум светот. Килијан Мбапе е во фантастична форма со 15 постигнати голови и 17 вкупни гол-учества. Веднаш зад него е Ерлинг Халанд со 14 голови и 15 вклучености во гол, покажувајќи дека неговата ефикасност не запира. Но, најдобриот стрелец засега е Хери Кејн, со неверојатни 19 голови и 22 директни учества за гол. Покрај бројките, тројцата играат клучна улога за своите тимови. Нивното присуство на теренот носи резултати и го менува текот на натпреварите. Ако наградата се доделуваше денес, одлуката ќе беше исклучително тешка. Но до крајот на сезоната, пресудни ќе бидат постојаноста, титулите и моментите на голема сцена. Наградата е повеќе од индивидуално признание. Таа е симбол на еден момент во фудбалската историја. А токму овој момент сè уште не е завршен, тој се пишува, натпревар по натпревар. И додека фановите дебатираат, а експертите анализираат, теренот ќе го има последниот збор.

Клоп ја остави отворена вратата за враќање во Ливерпул

Јурген Клоп откри дека не гледа на себе како тренер во англиската фудбалска сцена во иднина. Иако остави можност за враќање во Ливерпул, тој нагласи дека моментално е задоволен од својот живот и не брза да се врати на тренерската работа. Клоп признава дека повеќе не го привлекува традиционалниот ритам на тренерскиот живот, полн со обврски и притисоци. Тренерот истакна дека не му недостасуваат долгите часови стоење на терен во лоши временски услови, ниту бескрајните медиумски активности. Тој посочи дека бројните прес конференции и интервјуа, како и интензивната атмосфера во соблекувалните, се дел од кои со задоволство се сеќава, но сега не ги бара. Со повеќе од 1080 одиграни натпревари како тренер, Клоп се осврна на високиот интензитет и посветеноста што бара оваа професија. И покрај многуте убави моменти, со хумор рече дека не би сакал да ги помине своите последни моменти токму во соблекувалната.

Греам Потер официјално нов тренер на шведската репрезентација

Шведската Фудбалска Федерација официјално го назначи Греам Потер за нов селектор на националниот тим. Потер, кој има богато искуство во Премиер Лигата со клубови како Вест Хем, Челси и Брајтон, веднаш го презема кормилото со цел да ја врати амбицијата на Шведска за пласман на Светското Првенство. Договорот со Потер е краткорочен и важи до март 2026 година, што ја отсликува фокусираноста на репрезентацијата да внесе свежина во клучниот период на квалификациите и самиот турнир. Главната задача на Потер ќе биде да ја подготви Шведска за настап на највисоко ниво, користејќи го своето тактичко знаење и искуство од Премиер Лигата за да го подигне квалитетот и структурата на играта. Овој ангажман е и брз повраток на Потер во менаџерската работа по неговите претходни искуства во Англија, а неговата способност да гради кохезивни и отпорни тимови е причината зошто шведската федерација му даде доверба да ја води репрезентацијата кон подобри резултати и силен настап на Мундијалот.

Гравенберх повреден, му се заканува пауза пред клучни натпревари

Рајан Гравенберх доби повреда на глуждот во текот на вчерашниот пораз на Ливерпул од Манчестер Јунајтед, што го доведе во прашање неговиот настап на претстојните мечеви. Повредата се случи во второто полувреме, а медицинскиот тим веднаш го започна прегледот. Стручниот штаб е претпазлив и не сака да ризикува. Со оглед на тесниот натпреварувачки календар, не е јасно колку време ќе му треба за да се врати на тренинзи и натпревари. Медицинските проверки се во тек, а клубот со нетрпение ја следи неговата рехабилитација за да одлучи дали ќе биде спремен за дуелот против Франкфурт во Лигата на Шампионите. Отсуството на Гравенберх би било голем удар за тимот, бидејќи тој оваа сезона, како и минатата, е еден од клучните фигури во средината на теренот. Во тежок период за Црвените, со 4 загуби со ред, оваа повреда може комплетно да му ја наруши сезоната.

Флик ќе го гледа Ел Класико од трибините

Барселона извојува драматична победа од 2–1 против Жирона на 18 октомври, но завршницата беше обележана со инцидент кој ќе има последици за тимот. Ханси Флик беше исклучен во судиското надополнување и сега е суспендиран за претстојниот Ел Класико на Сантијаго Бернабеу. Флик доби два брзи жолти картони од судијата Хесус Гил Мансано во последните минути од натпреварот. Првата опомена ја доби поради, како што беше наведено, прекумерни протести, а веднаш потоа и втората, за дополнителен гест на несогласување. Иако првичната казна е суспензија од еден натпревар, што значи дека ќе го пропушти само Ел Класико, постои можност за дополнителна санкција поради неговата емоционална реакција од трибините. Барселона веќе поднесе жалба, тврдејќи дека гестовите на Флик не биле насочени кон судиите, и дека славењето по голот било чисто емотивен момент, а не провокација. Спортскиот директор Деко го поддржа тренерот, велејќи дека реакцијата на Флик е природна и разбирлива во такви ситуации. Клубот се надева на позитивен исход од жалбата, иако е свесен дека таквите казни ретко се поништуваат. Ако жалбата не успее, Флик ќе мора да го следи Ел Класико од трибините и ќе се врати на клупата по тоа дерби.

Рафиња се враќа за дуелот со Реал Мадрид

Рафиња забележува значителен напредок во рехабилитацијата по повредата на задниот бутен мускул и се очекува да биде подготвен за големото дерби со Реал Мадрид на 26 октомври. Иако првично беше најавено враќање во средината на месецот, клубот одлучи да не ризикува со негов настап против Жирона, со цел тој да биде целосно подготвен за Ел Класико. Ханси Флик потенцираше дека враќањето ќе се случи само ако Рафиња е 100 % подготвен, истакнувајќи ја важноста од избегнување нова повреда. Можно е Бразилецот натпреварот да го почне од клупата, во зависност од конечната процена на стручниот штаб. Во услови на отсуство на неколку клучни играчи: Левандовски, Гави и Хоан Гарсија. Неговото враќање ќе биде клучно за офанзивната игра на Барселона.