Агентот на Елмас најавува подобри денови за нашиот ас во Наполи

Џорџ Гарди кој му е агент задолжен за трансфери на македонскиот  фудбалски „бисер“, Елиф Елмас, вели дека има повеќе екипи кои сакаат да го обезбедат неговиот потпис.

„Елмас сакаше да игра во Лигата на шампиони и затоа дојде во Наполи. Очигледно е дека е разочаран како и сите други од начинот на кој заврши сезоната, но, сега е фокусиран на ЕВРО. Бенфика не е единствениот клуб кој го бара. Има долгорочен договор со Наполи и клубот ќе треба да донесе одлука. Ќе треба да објаснат какви се плановите и каква шанса ќе добие. Треба да дознаеме дали тренерот ќе верува во него“, изјави Гарди кој очекува нашиот репрезентативец да има одлични настапи на континенталниот собир.