Агуеро: Секој клуб со Меси во тимот е фаворит за освојување на ЛШ

Поранешниот аргентински напаѓач Серхио Агуеро го сподели своето мислење за играта на својот сонародник Лионел Меси.

„Секој тим со Лео Меси во нивниот состав е претендент за освојување на Лигата на шампионите. Има чувство дека повторно е во ред. Тој има карактер на победник, кој е неопходен за секој тим кој сака да победува секаде и секогаш. Го знаеме натпреварувачкиот дух на Меси. Особено сега со него играат фудбалери како Нејмар и Мбапе. А ПСЖ веќе има стекнато големо искуство во европските натпреварувања“, изјави Агуеро

Меси оваа сезона забележа шест настапи во француската лига и постигна три гола. Има и шест асистенции.

Меси е во ПСЖ од сезоната 2021/2022. Во првата година со тимот, тој постигна шест гола и даде 14 асистенции.