Ако Тен Хаг го преземе Јунајтед, Бергвајн ќе биде првото засилување

Стивен Бергвајн би можел да биде првото ново засилување на речиси сигурниот нов менаџер на Манчестер Јунајтед, Ерик тен Хаг, според Дејли Меил.

Холандскиот крилен напаѓач во јануари беше блиску до трансфер во актуелниот клуб на Тен Хаг, Ајакс, но на крајот не беше постигнат договор.

Сепак, 24-годишниот Бергвајн најверојатно ќе го напушти лондонскиот клуб на лето и „црвените ѓаволи“ можат да го привлечат во своите редови за околу 20 милиони фунти, пишува британското издание.

Оваа сезона Бергвајн има 20 натпревари, 3 гола и 1 асистенција во дресот на „спарс“ во англиската Премиер лига. Тој пристигна во клубот во јануари 2020 година, откако претходно го носеше дресот на ПСВ Ајндховен.

Неговиот договор со Тотенхем истекува во 2025 година.