Алегри: „Златната топка“ требаше да ја добие Левандовски

Масимилијано Алегри е еден од оние кои ја коментираа завршницата и доделувањето на „Златната топка“ од страна на „Франс Фудбал“.

Лионел Меси во Париз стигна до својата седма „Златна топка“, а тој избор предизвика силни реакции. Голем дел од јавноста смета дека наградата требаше да заврши во рацете на напаѓачот на Баерн Минхен, Роберт Левандовски.

На италијанскиот стратег не му е јасно на што се базира доделувањето на оваа награда.

„Меси ја доби „Златната топка“. Можеме да кажеме дека технички тој е најдобриот фудбалер, но јас не знам на што ја базираат нивната одлука“, кратко прокоментира Италијанецот.