Александар-Арнолд заздрави од повредата и се врати на тренинзите во Ливерпул

Трент Александар-Арнолд се врати на тренинг со својата екипа по повредата на бутот. Фудбалерот поради повреда го пропушти ЕП 2020 година.

„Јас сум целосно ослободен од болка. Се чувствувам одлично и сега се вратив на целосен тренинг. Мислам дека сум доволно добар за да започнам да играм“, изјави Александар-Арнолд за прес-службата на клубот.

Минатата сезона дефанзивецот одигра 36 натпревари во Премиер лигата, на кои постигна два гола и седум асистенции. Ќе потсетиме, Александар-Арнолд доби повреда на бутот на пријателскиот натпревар со репрезентацијата на Австрија (1:0) за време на подготовките за континенталното првенство.