Ален Рустемовски во финалето на Европското првенство во бокс

Битолскиот бокс и БК Пелистерски јунак ќе се врати со два европски медали од Европското првенство за помлади сениори (У23) во Ерменија. Ален Рустемовски со перфектна добро водена борба против Артрур Аветикјан од Ерменија се избори за европско финале.

Рустемовски славеше со едногласна одлука на судиите, бидјеќи во сите три рунди ја диктираше борбата, успешно бранејќи се и во даден момент пласираше крошеа и аперкати.

Вториот македонски адут, Адријан Рустемовски, загуби од рускиот боксер Хамзат Матиев со прекин во третата рунда. Адријан ќе се задоволи со бронзен медал, но покажа дека може да се носи и со најсилните боксери, но ќе мора да работи на физичката подготвеност.