Алисон се повреди, нема да брани на азиската турнеја за Ливерпул

Голманот на Ливерпул, Алисон Бекер, го напушти тренинг кампот на тимот во Токио и нема да учествува на пријателскиот натпревар против Јокохама Маринос во среда. Според „Атлетик“, бразилскиот репрезентативец заминал од лични причини и ќе се врати во тимот на Арне Слот дури откако тимот ќе се врати во Велика Британија.

Се очекува новопотпишаниот грузиски голман, Гиорги Мамардашвили, да започне во тимот за утрешниот пријателски натпревар.

Алисон е третиот играч на Ливерпул кој го напушти кампот порано. Пред него, Џо Гомез се врати на Островот на дополнителни медицински прегледи поради повреда на Ахиловата тетива, а Луис Диаз доби дозвола да патува во Минхен, каде што го финализира трансферот во Баерн.

„Црвените“ пристигнаа во јапонската престолнина во неделата откако загубија со 2:4 од Милан во пријателски натпревар одигран во Хонг Конг.