Алкалоид се засили со Филип Николов

Алкалоид на стартот на подготовките за вториот дел од сезоната се пофали со зимското засилување во бековската линија, а тоа ќе биде Филип Николов.

26-годишникот доаѓа од редовите на градскиот ривал Бутел Скопје. Николов е бек, ама одлично одговара и во игра во два правци. Поради тоа тој ќе биде опција и за офанзивата и за дефанзивата на Алкалоид и Кирил Лазаров.

Велешанецот Николов во својата ракометна кариера освен за Бутел настапуваше уште за екипите на Радовиш и Охрид. Сега во Алкалоид ја задолжи опремата со број 24.

Филип Николов беше и на поширокиот список на репрезентацијата на Македонија пред ова Европско првенство.