Ал Наср со понуда од 36 милиони евра за Бускетс

Фудбалерот на Барселона и поранешен шпански репрезентативец, Серхио Бускетс, доби понуда од Ал Наср за продолжување на својата кариера во Саудиска Арабија.

„Мундо Депортиво“ пренесува дека челниците на Ал Наср му понудиле на Бускетс двегодишен договор со кој ќе заработува 18 милиони евра по сезона.

34-годишниот Бускетс својата фудбалска кариера ја започна во Барселона, и за првиот тим на каталонците има одиграно 707 натпревари со постигнати 18 гола.

Прва звезда во екипата на Ал Наср е Португалецот Кристијано Роналдо.