Антонио го искрши автомобилот, но се наоѓа стабилна здравствена состојба

Фудбалерот на Вест Хем, Мајкл Антонио, кој имаше тешка сообраќајна несреќа е во стабилна состојба.

Информацијата за несреќата ја потврди и клубот кој потоа ја објави здравствената состојба на напаѓачот.

„Вест Хем може да потврди дека Мајкл Антонио е во стабилна состојба по сообраќајната несреќа попладнево во областа Есекс. Во овој тежок момент, љубезно бараме од сите да ја почитуваат приватноста на Мајкл и неговото семејство. Клубот нема да дава дополнителни коментари вечерва, но во догледно време ќе објави дополнителни вести“, соопштија од клубот.

Пред официјалните детали кои ги објави клубот, на социјалните мрежи се појавија фотографии од искршеното Ферари кое наводно го возел фудбалерот.