Анчелоти: Повредата на Бензема не делува како сериозна

Тренерот на Реал Мадрид изјави дека се надева оти најдобриот играч на мадридскиот клуб, Карим Бензема, не доживеа тешка повреда на натпреварот од првото коло во Лигата на шампионите против Селтик.

Реал во Глазгов славеше победа над Селтик со 3:0 во првото коло од групата Ф, а Бензема поради повреда мораше да го напушти дуелот во 30.минута.

„Не делува дека Бензема заработи сериозна повреда. Тој после враќањето во Мадрид ќа направи дополнителни тестови кои ќе ја разјаснат ситуацијата“, потенцира Анчелоти.