Аргентинецот Фабијани фаворит за наследник на Седлоски?

Аргентинскиот тренер Кристијан Фабијани е во напредни преговори за преземање на функцијата тренер на Вардар, објавија аргентинските медиуми. Вардар кој моментално е лидер во домашното првенство е во потрага по замена за актуелниот стретег Гоце Седлоски, кој седна на селекторската позиција во македонската репрезентација и од јуни ќе се посвети само на оваа работа.

За Фабијани, доаѓањето во Македонија ќе биде можност за негово прво професионално искуство надвор од својата земја, пишува аргентински „Инфобае“.

Фабијани бара промена во кариерата по предизвикувачкиот престој во „Њуелс Олд Бојс“, кој заврши со негово отпуштање во октомври.

„Кристијан Фабијани е во напредни преговори да стане нов тренер на Вардар, лидерот во Македонската лига“, пишува новинарот, Сезар Луис Мерло, кој ги следи случувањата на трансфер пазарот во Јужна Америка.