Арда ја заврши американската турнеја заради повреда и предвреме се врати во Мадрид

Арда Ѓулер воодушеви во првата фаза од тренинг кампот на Реал Мадрид и сите со нетрпение го чекаа неговото деби во првиот тим, но за жал, фановите ќе мора да почекаат на тоа уште извесно време.

Талентираниот Турчин не настапи против Милан и Манчестер Јунајтед поради повреда на мускулот, но сега испадна дека поголем проблем му создавале болките во коленото.

Реал Мадрид вечерва излезе со официјално соопштение за состојбата на Ѓулер, кој експресно ќе ја напушти турнејата во Америка и се враќа во Мадрид за да продолжи со рехабилитација.

Арда има проблем со менискусот на коленото и ќе подлегне на алтернативен третман, кој според проценките на Реал Мадрид многу брзо треба да вроди со плод.

„Сакав да бидам денеска на теренот, но морам да се вратам во Мадрид за да го забрзам моето враќање на теренот и да бидам подготвен што поскоро. Ви благодарам за поддршката“, порача Арда Ѓулер на неколку часа пред одигрување на „Ел Класико“ пресметката меѓу Реал и Барса во Америка.