Арнаутовиќ сака да ја напушти Болоња

Напаѓачот на Болоња Марко Арнаутовиќ наводно побарал од клубот дозвола за заминување бидејќи очекува нова понуда од Манчестер Јунајтед.

Манчестер Јунајтед е заинтересиран за ангажирање на 33-годишниот австриски фудбалер бидејќи сака појачување во нападот, па Арнаутовиќ побарал од клубот да биде ставен на трансфер листа, но челниците на клубот не се согласни.

Понудата од Јунајтед до Болоња изнесува околу 8 милиони евра, а на Арнаутовиќ му се нуди тригодишен договор со плата од три милиони евра по сезона.