Арсенал сака да го украде Канте од Челзи

Арсенал размислува за шокантна понуда за еден од најважните играчи на Челзи во последните години – Н’Голо Канте. Неуморниот Французин е под договор со својот сегашен клуб уште само 12 месеци и тоа им дава надеж на „топџиите“ кои бараат квалитетен дефанзивен играч за врска.

31-годишниот Канте минатата сезона имаше вкупно 42 настапи во сите натпреварувања, но исто така помина многу минути на клупата бидејќи проблемите со повредата на коленото го спречија да ги покаже своите несомнени квалитети во поголемиот дел од сезоната. Пред извесно време се тврдеше дека за овој Французин е заинтересиран и Манчестер Јунајтед.

Претходно денеска, Челзи објави дека Н’Голо Канте и Рубен Лофтус-Чик ќе ја пропуштат турнејата на тимот низ САД бидејќи не го завршиле целосниот циклус на вакцинација потребен за влез во земјата.