Атлетико Мадрид – Барса во полуфиналето на Купот на Кралот

Во Шпанија денеска беше одржана ждрепката за полуфиналето во Копа дел Реј, а во битката за трофејот останаа четири екипи.

Барселона како бранител на трофејот ќе се соочи со Атлетико Мадрид. Овие два тима се сретнаа и во полуфиналето минатата сезона кога првиот натпревар заврши со 4-4, додека реваншот му припадна на каталонскиот клуб со 1-0.

Во второто полуфинале силите ќе ги одмерат Атлетик Билбао и Реал Сосиедад во баскиското дерби за место во финалето на натпреварувањето.