Баерн Минхен во корона проблеми

Фудбалерите на Баерн Минхен, Леон Горецка и Хави Мартинез се позитивни на последното тестирање на коронавирус, објави германскиот клуб.
Двајцата фудбалери нема да бидат во конкуренција за натпреварот против Хофенхајм во Бундеслигата, а покрај нив, Ханси Флик не може да смета ниту на Корентин Толисо, кој има повреда на мускул.
Баерн Минхен и понатаму е прв на табелата во германското првенство, по 18 одиграни кола има освоено 42 бода, седум повеќе од второпласираниот Лајпциг.