Баерн Минхен започнал итни преговори со голманот Ливаковиќ

Каналот Скај Германија информира дека фудбалскиот клуб Баерн Минхен, покажува голем интерес за голманот на Хрватска, Доминик Ливаковиќ, особено после повредата на првиот голман на тимот, Мануел Ноер, кој се повреди на скијање.

Раководството на германскиот шампион веќе започнало преговори со менаџерите на хрватскиот голман. Договорот на Ливаковиќ со неговиот сегашен клуб, Динамо Загреб, истекува во јуни 2024 година, и според најавите, гигантот од Минхен ќе стори се и е подготвен да плати висока сума за обештетување, како би го довел Хрватот во своите редови.