Барса го враќа Дани Олмо по цела една деценија

Точно десет години откако ја напушти „Ла Масија“ и замина во Загреб, Дани Олмо би можел да се врати во Барселона.

Шпанецот од Лајпциг е меѓу приоритетите на Барса за сезоната 2024/25 во која ќе има промени и во тимот и на клупата од која ќе се повлече Чави Хернандез.

Во договорот со важност до 2027 година, тој има клаузула од 60 милиони евра и според каталонскиот „Мундо депортива“, ова е сумата што доколку сака ќе треба да ја плати претседателот на Барселона, Јоан Лапорта за него.