Барса и Куман преговараат за нов договор

Летниот преоден рок заврши и во истиот управата на Барселона повлече неколку големи потези и останува да се види како истите ќе влијаат врз екипата во оваа сезона. Жоан Лапорта сака стабилност и верува дека Роналд Куман може истата да ја донесе и затоа се преговара за нов договор според кој Куман би останал на „Камп Ноу“ и по 2022 година.

Составот мора да биде конкурентен за титулите во Ла Лига и ЛШ, да се користи формацијата 4-3-3, но и да им се даде вистинска можност на играчите кои можат да помогнат, во случајот тоа е Рики Пуч. Медиумите го споменуваат и Умтити на кого би требало да му се даде шанса сега кога е јасно дека останува и со тоа едноставно да се остави простор за негова продажба во иднина.