Барса се вклучи во трката по Алфонсо Дејвис

Барселона е заинтересирана за потписот на левиот бек на Баерн Минхен, Алфонсо Дејвис, oва го пренесува Мундо Депортиво.

Според изворот, каталонскиот гигант сака да го ангажираат играчот во следниот преоден рок и веќе преговараат. Исто така во информациите се вели дека неговиот агент побарал бонус за потпишување од 30 милиони евра и плата од повеќе од 12 милиони евра годишно.

Да потсетиме, Дејвис се приклучи на тимот на Баерн Минхен на 1 јануари 2019 година. Актуелниот договор на играчот со клубот е до крајот на јуни 2025 година. Оваа сезона, дефанзивецот учествуваше на 21 натпревар, каде постигна еден гол и три асистенции.