Барселона без Кристенсен со месеци, потврдена сериозна повреда

Дефанзивецот на Барселона, Андреас Кристенсен, ќе отсуствува неколку месеци откако доживеа делумно кинење на предниот вкрстен лигамент (ACL) на левото колено, потврди клубот. Данскиот репрезентативец се повреди на тренинг во саботата, кога незгодно го изврте коленото, поради што го пропушти неделниот дуел против Виљареал во Ла Лига.

По деталните лекарски прегледи, беше утврдено дека не е потребна операција, а медицинскиот тим се одлучи за конзервативен пристап во лекувањето. Првичните проценки укажуваат дека Кристенсен ќе биде надвор од терените најмалку четири месеци, а точниот период на опоравување ќе зависи од текот на рехабилитацијата.

Оваа повреда е нов удар за одбраната на Барселона, која веќе се соочува со сериозни повреди кај неколку клучни играчи. Кристенсен беше важен дел од составот и прикажуваше стабилни партии, па неговото отсуство ќе се почувствува во напорниот распоред што следи.

Закрепнувањето ќе се одвива под надзор на клупските доктори, во соработка со медицинскиот тим на данската репрезентација. Во клубот веруваат дека со внимателна и постепена рехабилитација, искусниот стопер ќе се врати целосно подготвен и повторно ќе има значајна улога во тимот.