Барселона заинтересирана за Мароканецот Унахи

Шпанските медиуми пренесуваат дека фудбалскиот клуб Барселона е заинтересиран за репрезентативецот на Мароко, Азедин Унахи.

22-годишниот Унахи е член на францускиот клуб Анже каде минатата година пристигна од третолигашот Авранш за 300 илјади евра. Неговиот договор со францускиот клуб истекува во 2026 година.

Унахи бил забележан од скаутите на Барселона после неговите одлични фудбалски партии во дресот на Мароко на Мундијалот во Катар. Играчот од средниот ред во селекцијата на Мароко, избори пласман во полуфиналето на СП, каде ќе се сретне со Франција.

Унахи за Мароко има одиграно 15 натпревари и постигна два гола.