Барселона сака да го врати Меси на крајот од сезоната

Шпанскиот весник Мундо Депортиво пренесува дека фудбалскиот клуб Барселона ќе проба на крајот од сезоната да го врати во клубот аргентинскиот репрезентативец Лионел Меси, кој сега е член на Париз Сен Жермен.

Меси има договор со шампионот на Франција до јули наредната година, но иако тој има понуда за продолжување на договорот со клубот од Париз, Аргентинецот сѐ уште се нема изјаснето.

Шпанските медиуми истакнуваат дека челниците на Барса анализираат дали враќањето на Меси би било финасиски изводливо поради ограничувањето на платите и финансискиот фер плеј.

Според информациите, Меси за сите понуди околу неговата иднина ќе се изјасни после СП во Катар.