Барселона ќе пазари во Милан

Весникот „Ас“ тврди дека фудбалскиот клуб Барселона е заинтересирана за дефанзивецот на Милан, Алесио Ромањоли.

Претставници на Каталонците веќе неколку пати ја следеле неговата игра во живо и се одлучиле за преговори со италијанскиот клуб. Тренерот Чави смета дека Ромањоли може да биде одличен избор за централен дефанзивец.

Договорот на играчот и Милан истекува во јуни. Тој може да се пресели во друг клуб како слободен играч. 27-годишниот фудбалер оваа сезона одигра 25 натпревари и постигна еден гол.