Бекенбауер: Фудбалот остана без најголемиот, а јас без пријател

Еден од најдобрите германски фудбалери на сите времиња, Франц Бекенбауер, му оддаде почит на фудбалската легенда Пеле кој почина во 82.година од животот.

„Фудбалот го изгуби најголемиот во својата историја, а јас изгубив искрен пријател. Фудбалот засекогаш ќе остане твој. Почивај во мир“, изјави Бекенбауер.

Легендарниот Германец истакнува дека во 1977.година заминал во САД бидејќи навистина сакал да игра заедно со Пеле во фудбалскиот клуб Космос од Њујорк. За Бекенбауер тој период е еден од најубавите во кариерата.

Пеле и Бекенбауер станаа шампиони на САД после првата сезона во клубот во кој настапуваа заедно, и оттогаш станаа големи пријатели.