Белингем спремен за игра многу порано од предвиденото

Џуд Белингам веќе е целосно закрепнат и може да биде искористен од Чаби Алонсо во натпреварите на Реал Мадрид. Ова беше потврдено откако играчот од средниот ред беше вклучен во тимот на „кралевите“ за дуелот со Марсеј во Лигата на шампионите во вторник вечер.

Ова е речиси сензационално, бидејќи точно пред два месеци Англичанецот претрпе операција на рамото, по што обично се потребни 3-4 месеци за лекување. Сепак, сега Белингам е веќе на располагање, бидејќи извесно време тренира со главната група.

На располагање е и Едуардо Камавинга, кој се повреди во април.

Надвор од тимот остана Ендрик, кој исто така е близу до закрепнување, како и Ферлан Менди и Антонио Ридигер, кои имаат посериозни повреди.