Бензема влезе во историјата на Лигата на шампионите

Шериф направи сензација и го победи Реал на сред Мадрид во второто коло од Лигата на шампионите. Тоа е сигурно едно од најголемите изненадувања во историјата на најголемото европско клупско натпреварување. Шериф поведе во 25. минута со голот на Јакшибаев, израмни Бензема во 65. минута, но победата на гостите ја донесе Тил.

Капитенот на Реал, францускиот напаѓач Карим Бензема стана првиот играч во историјата на Лигата на шампионите кој постигнал барем еден погодок во 17 различни сезони. 

На тој начин, Бензема ги надмина Рајан Гигс, Кристијано Роналдо и Лионел Меси, кои постигнувале по еден погодок во 16 различни сезони во Лигата на шампионите.