Бензема го израмни историскиот рекорд на Хуго Санчез

Напаѓачот на Реал Мадрид, Карим Бензема го израмни голгетерскиот рекорд на поранешниот мексикански напаѓач Хуго Санчез во една сезона, објави статистичката служба Опта на својот Твитер профил.

Оваа сезона, францускиот напаѓач постигна 40 гола за Реал Мадрид во сите натпреварувања, што го прави петтиот играч во историјата на клубот кој некогаш ја достигнал оваа бројка. Покрај Бензема, на оваа листа се и поранешните играчи на „кралскиот клуб“ Кристијано Роналдо , Алфредо ди Стефано , Ференц Пушкаш и Хуго Санчез, кои исто така постигна 40 гола во сезоната 1989/1990.

Со оглед на тоа што Реал Мадрид има уште неколку натпревари оваа сезона, Карим Бензема ги има сите предуслови да ја надмине мексиканската легенда Хуго Санчез. Договорот на Бензема со Реал Мадрид е до 30 јуни 2023 година. Французинот веќе 11 години игра за мадридскиот клуб.