Бен Вајт потпиша нов договор со Арсенал

26-годишниот дефанзивец Бен Вајт потпиша нов договор со „топчиите“. Тој му се приклучи на лондонскиот клуб од Брајтон во летото 2021 година и има 122 настапи во сите натпреварувања.

Актуелниот договор на играчот е до летото 2026 година. Новиот договор со англискиот фудбалер е до 2028 година и вклучува опција за продолжување на уште една година.

„Одлична вест е што Бен ја посветува својата иднина во клубот. Бен е клучен играч за нас, професионалец од највисоко ниво со победнички менталитет и еден од момците кои секој ден даваат пример за другите“, рече главниот тренер Микаел Артета.