Бернардо Силва не коментира за можноста да ја засили Барса

Пред една година Бернардо Силва беше на излезни врати од Манчестер Сити, но сега 12 месеци подоцна ситуацијата му е поинаква затоа што одигра одлична сезона.

Силва беше еден од најважните играчи на Гвардиола во освојувањето на Премиер лигата. Пеп Гвардиола и самиот во неколку изјави потенцираше колку работите можат да се променат, меѓутоа медиумите и понатаму гледаат сценари ово кое Португалецот би можел да го напушти Манчестер ова лето.

Во последно време Бернардо Силва се поврзуваше со Барселона, а сега прашање на оваа тема добил и самиот фудбалер.

„Барселона? Во овој момент не можам да кажам ништо, почекајте…Сконцентриран сум на репрезентацијата кога се ќе заврши тогаш може да зборуваме. Ќе видиме како ќе се одвиваат работите“, изјави Бернардо Силва.