Бетис и Јунајтед преговараат за нова позајмица на Антони

Aнтони може да остане во Бетис и во следната сезона 2025/2026, пишува „Телеграф“. Бразилскиот крилен напаѓач настапува за шпанскиот тим како позајмен од Манчестер Јунајтед.

Бетис е подготвен да достави понуда за продолжување на позајмицата на играчот за сезоната. Клубот од Севиља е подготвен да го преземе поголемиот дел од платата на aнтони. Во моментов, Шпанците плаќаат 84% од платата на фудбалерот плус бонуси. Aнтони ќе започне предсезонски тренинзи со Манчестер Јунајтед доколку дотогаш не биде завршен договорот.

Aнтони му се приклучи на Бетис во јануари 2025 година. Бразилецот одигра 18 натпревари, постигна пет гола и четири асистенции.