Билетите за „Ел Класико“ достигнуваат луди цени

Најевтиниот билет за фудбалското „Ел Класико“ во Ла Лига меѓу Реал Мадрид и Барса закажано на 26 октомври на „Сантијаго Бернабе“ ќе чини 130 евра.

Цените за седиштата на редовните трибини се движат од 130 евра до 455 евра. Влезниците за ВИП области ќе чинат 850 евра.

Интересно е дека за мечот меѓу Реал Мадрид и Борусија во Лигата на шампионите, најевтиниот билет чини 75 евра додека ВИП влезниците започнуваат од 350 евра.