Билиќ спогодбено го раскина договорор со кинескиот Пекинг Гуан

Славен Билиќ, поранешниот хрватски селектор, спогодбено го раскина договорот и повеќе не е тренер на кинескиот прволигаш Пекинг Гуан.

Веста официјално ја објави кинескиот клуб во текот на денешниот ден, а беше наведено дека 53-годишниот хрватски стратег одлучил да го напушти клубот за да биде со своето семејство за време на ковид-пандемијата.

Билиќ дојде во Пекинг Гуан во јануари 2021 година и го предводеше тимот до петтото место во кинескиот шампионат, кој штотуку заврши.

Освен како селектор на Хрватска, Билиќ претходно работеше и за Хајдук, московски Локомотив, Бешикташ, Вест Хем, Ал-Итихад и Вест Бромвич Албион.