Болоња ја одреди цената, Зиркзе вреди 40 милиони евра

Џошуа Зиркзе е еден од фудбалерите за кои најмногу се пишува во изминатиот период и ќе биде изненадување ако и по преодниот рок остане член на Болоња.

Како фаворит за потписот на Зиркзе важеше Милан, но во трката се вклучи и Манчестер Јунајтед.

Според последните информации секој кој ќе сака да го доведе Зиркзе ќе мора да плати сума од 40 милиони евра.

Инаку, Зиркзе по повредите на неколку репрезентативци во последен момент се најде во составот на Холандија за Европското првенство и неговата иднина сигурно ќе биде решена по настапот на „лалињата“ на контиенталниот собир.