Борусија Дортмунд ја пронајде замената за Халанд

Како што пренесуваат германските медиуми, челниците на Борусија од Дортмунд испратија понуда до Ајакс за напаѓачот Себастијан Алер, вредна 40 милиони евра.

Од Дортмунд потенцираат дека доаѓањето на Алер во тимот ќе биде одлична замена за Норвежанецот Ерлинг Халанд кој направи трансфер во Манчестер Сити.

Репрезентативецот на Брегот на Слоновата коска веќе има искуство со играње во германската Бундеслига, бидејќи во минатото настапуваше за Ајнтрахт од Франкфурт.

Минатата сезона во дресот на Ајакс, Алер одигра 65 натпревари, постигна 47 гола и 16 асистенции.