Бразилецот Бремер трансферна цел на двата милански гиганти

Милан и Интер се борат за скудетото, но водат и голема битка за потписот на Глеисон Бремер од Торино. 24-годишниот Бразилец игра одлична сезона и се етаблираше во еден од најдобрите дефанзивци во Серија А.

Торино не сака да го продава на средина од сезоната, но јасно е дека нема да може да го задржи на лето.

„Биковите“ за слободата на Бремер бараат 30 милиони евра, но миланските клубови ќе се обидат да ја намалат таа сума преку преговори.