Бразилецот Ричарлисон, можна замена за Роналдо во Манчестер Јунајтед

Некои медиуми од Англија пренесуваат дека екипата на Манчестер Јунајтед ќе се фокусира на ѕвездата на Евертон, Ричарлисон како потенцијална замена за Кристијано Роналдо, доколку Португалецот се одлучи да го напушти „Олд Трафорд“. Според информациите, претставници на Јунајтед веќе имале разговори со менаџерите на играчот.

Менаџерите на 24-годишниот напаѓач наводно побарале значително зголемување на неговата плата која моментално е нешто под 5 милиони фунти годишно. Договорот на играчот со Евертон е со важност до јуни 2024 година.

Од Евертон за Ричарлисон би барале околу 50 милиони фунти, иако тоа може да се промени доколку екипата испадне од Премиер лигата.

Иднината на Роналдо во Јунајтед во голема мера зависи од него, но раководството на клубот најверојатно нема да му застане на патот доколку реши да замине на лето. Португалецот има вкупно 15 гола и 3 асистенции во 31 натпревар оваа сезона.