Брендон Дејвис е нов кошаркар на Олимпија од Милано

Искусниот американски центар Брендон Дејвис потпиша двегодишен договор со кошаркарскиот клуб Олимпија од Милано.

„Многу сум возбуден поради моето пристигнување овде и фактот дека ќе играм за шампионот на Италија. Едвај чекам да почнам со работа во клубот“, порача Дејвис.

Американецот во Милано пристигна од Барселона каде настапуваше претходните три години.

Дејвис претходно има настапувано за Жалгирис, Монако, Варезе, Шалон, Бруклин и во родната Филаделфија.