Бруно Лаж се врати на клупата на Бенфика

Португалецот Бруно Лаж е назначен за нов тренер на Бенфика. Ова за него ќе биде втор мандат на клупата на „орлите“, бидејќи претходно беше на истата позиција пред пет години.

Во тој период имаше одлични резултати. Успеа да ја освои титулата и беше прогласен за најдобар тренер во сезоната. Лаж остана во Бенфика до летото 2020 година, кога замина на клупата на Вулверхемптон, каде што остана само една сезона. Последен клуб кој го тренираше беше Ботафого во Бразил.